مهند وشباب الخليج

**الحبسية** الثلاثاء ديسمبر 16, 2008 7:21 am

مهند وشباب الخليج

في الحقيقه والواقع المقارنه ثقيله على الشباب لكن هذا شي لازم منه

لأن شبابنا المحترمين دايما يقارنون بنات الخليج بهيفاء ونانسي ورولا وغولا وغوريلا

لكن جاء الوقت اللي لازم يشوفوا الحقيقه بعيونهم

يلا جاهزين للمقارنه <<<<< ادري طولت عليكم

( مهند )

يرجع من الدوام ... يروح لنور... يبوس راسها...ويحضنها بحنان ويقولها ( وحشتيني ما بقدر اتحمل بعدك عني)

( شباب الخليج )

يرجع من الدوام وجهه مكشر صايدته الشمس ويدخل على زوجته لا سلام ولا كلام ويفصخ ملابسه ويزيد على برودة

المكيف ويقول لزوجته ( حطي الغدا بسررررعه المدير ذبحني بالشغل يلا بسرررعه حطي الغدا يلا )

( مهند )

قاعد يقرأ كتاب ... وفجأة جاته نور ... لابسه فستان جديد ... وصار هالحوار

نور : حبيبي شو رايك بالفستان الجديد؟

مهند : بيجنن عليكي آخذ منجمالك قطعه

( شباب الخليج )

قاعد يتفرج على مباره ... اخونا مو مال كتب وثقافه ... وزوجته مستانسه بالفستان الجديد .. وصار هالحوار

الخليجي : قومي قامت ركبك وما قعدت ... ما تشوفيني اطالع المباراه

زوجته: حبيبي اشفيك كنت ابيك تشوف فستاني الجديد ... شرايك؟

الخليجي: وكذا تخربين عليه المباره ... ماشفت حركه رونالدينهو الحين راحت علي كله منك

زوجته: انزين عاد ... اشرايك بالفستان؟؟

الخليجي : ايش هالموضه الخايسه اللي طالعين فيها انتو االبنات ؟ هذا فستان ؟!! لو لابسه خيشة البصل وااايد احسن

(مهند)

قام من النوم نص الليل ماشاف زوجته جمبه ... راح يدورها ... ويوم لقاها بتشرب ماي قالها ( ولك شغلتي بالي

عليكي ... بتشربي ماي ... بالهنا حبيبتي مطرح ما يسري يمري )

(شباب الخليج )

قام من النوم نص الليل ماشاف زرجته جمبه ... فتح المبات وقام يصارخ

فطووووووووووووم ... فطووووووووووووم ... وينك انتي ؟؟ خليتي باب الغرفه مفتوح نص متر .. وهوا المكيف كله طلع

بره وصار حرررر ... ما تحسين ... دمك بارد ... الله ياخذ اليوم اللي فكرت آخذك من اهلك فيه ...

( مهند )

مهند طالع مع نور السوق ... ودار الحوار التالي

نور: حبيبي شو رايك بالفستان الاحمر ؟ حلو مو

مهند: ايه حلو كتير ... بس لو لبستيه بيجنن اكتر انتي بتحلي الفستان

( شباب الخليج )

الخليجي طالع مع زوجته السوق ... ما دار بينهم حوار ليييييييييش ؟؟!!

لانه هو يمشي قدام وهي وراه تركض !!!

وكل اللي قاله ( بسرعه خلصي ابي الحق على ديوانية الربع )

طبعا الفروق لو بقعد من الصبح للحين ما بتخلص

لانه 180 درجه الفرق ... ولكن ماذا نفعل ...

....................... هههههههههههههههههههههههههههههه